Inicio

A Casa de Rosalía vén de conseguir dúas Árbores Senlleiras máis: a Camelia Rosalía de Castro e o Loureiro dos Poetas. O pasado 15 de xullo o DOG publicada a inclusión de dúas novas árbores do Xardín de Rosalía no Catálogo Galego de Árbores Senlleiras, que se unen á Figueira de Rosalía, que xa tiña este recoñecemento da Consellaría de Medio Ambiente.

O ministro de Cultura, Ernest Urtasun, fixo este anuncio nunha visita esta tarde á Casa-Museo da Matanza. A Fundación Rosalía está á procura de financiamento para reformar o antigo Centro de Estudos Rosalianos que albergará un centro cultural anexo á Casa-Museo con Biblioteca e usos expositivos, didácticos e administrativos.

María Reimóndez vén de acadar a primeira residencia literaria que convoca a Fundación Rosalía en intercambio con Inglaterra. O xurado, formado polos escritores Chus Pato, María López Sández e Manuel L. Baleirón, escolleu nunha xuntanza esta mañá o proxecto literario da luguesa.

A familia de Camilo Agrasar vén de doar a súa biblioteca galega á Fundación Rosalía de Castro que, segundo Anxo Angueira, “ten un notable valor bibliográfico ao incluír valiosos exemplares de libros e revistas do século XIX e XX”.

O académico e profesor da Universidade de Vigo vén de ser refrendado por catro anos máis polo plenario da Fundación, que o votou por unanimidade.

‘Querida Liberdade. Vida e obra dun precursor do Rexurdimento: Antolín Faraldo’ vén de acadar a cuarta edición do Premio de Ensaio e Investigación Baltar Feijoo, unha obra que aborda, por vez primeira dun xeito integral, a vida e a obra de Antolín Faraldo, a voz de toda unha xeración, a alma da revolución de 1846.