Anxo Angueira renova como presidente da Fundación Rosalía
O académico e profesor da Universidade de Vigo vén de ser refrendado por catro anos máis polo plenario da Fundación, que o votou por unanimidade.
O libro sobre Antolín Faraldo de Xurxo Martínez gaña o Premio Baltar
‘Querida Liberdade. Vida e obra dun precursor do Rexurdimento: Antolín Faraldo’ vén de acadar a cuarta edición do Premio de Ensaio e Investigación Baltar Feijoo, unha obra que aborda, por vez primeira dun xeito integral, a vida e a obra de Antolín Faraldo, a voz de toda unha xeración, a alma da revolución de 1846.
Inauguramos a reforma do Xardín de Rosalía
O novo xardín creouse seguindo unha concepción máis contemporánea, cos criterios do paisaxismo naturalista, que simula a natureza da contorna e é máis ecolóxico e sostible. A reforma incluíu tamén traballos de accesibilidade na entrada da Casa-Museo.
Convenio de colaboración coa Cátedra Rosalía da USC
A Fundación Rosalía de Castro e a recén creada Cátedra institucional Rosalía de Castro da USC xuntarán esforzos para desenvolver actividades de investigación e divulgación en torno á figura da autora e da súa obra. Así quedou materializado este mércores coa sinatura dun acordo na que participaron o reitor Antonio López e o presidente desta Fundación, Anxo Angueira.
Merca un libro en galego e leva unha escolma rosaliana
Con motivo do Día de Rosalía a Fundación Rosalía e a Fundación Xistral poñen en marcha, en colaboración coa Xunta, unha campaña de promoción do libro galego pola cal calquera que merque un libro en galego do 6 febreiro ao 3 de marzo recibirá como agasallo unha pequena escolma de textos rosalianos.
Rita Bugallo e Miguel Lois, novos membros da Fundación
O pasado 9 de novembro celebrouse un novo plenario da Fundación Rosalía de Castro no que tomaron posesión dous novos padroeiros: a profesora Rita Bugallo e o paisaxista Miguel Lois.
‘Irmandiñas’, de Aurora Marco, gaña o III Premio de Investigación Baltar Feijóo
O xurado do III Premio de Investigación e Ensaio Ramón Baltar Feijóo reuniuse na mañá de hoxe para deliberar e optou de forma unánime por galardoar ‘‘Irmandiñas’ (Laiovento, 2020) como…
O Día de Rosalía pasa a celebrarse o 23 de febreiro
A Fundación Rosalía de Castro reuniu a representantes de institucións culturais e educativas para tomaren a decisión de cambiar o Día de Rosalía ao 23 de febreiro logo do recente descubrimento que corrixe a data de nacemento da autora.
Bota a andar a exposición sobre os 50 anos da Casa de Rosalía
Esta mostra repasa a historia da Casa-Museo de Rosalía e lembra o fito que supuxo conseguir mercar, restaurar e musealizar esta Casa en pleno franquismo grazas á colaboración de milleiros de persoas.
Rosalía na Coruña
Artigo de Anxo Angueira sobre a importancia da Coruña na obra e na vida de Rosalía, publicado no libro ‘Cidade das mulleres. Veciñas ilustres da Coruña, vol.1’.
Máis de 44.000 visitas virtuais en tres meses
Con motivo do 50 aniversario da Casa de Rosalía, o pasado xullo puxemos en marcha o sistema de visitas virtuais en catro linguas: galego, español, francés e inglés. A maioría das visitas proceden de Google Maps, desde onde é posible visitar a Casa-Museo de forma virtual sen necesidade de visitar a nosa web.
Comezan as obras para a reforma do Auditorio
A obra, que rematará na primavera de 2022, será financiada con fondos da Xunta de Galicia, da Deputación da Coruña e propios da Fundación Rosalía. O edificio actual conta con instalacións obsoletas para a programación que leva adiante a Casa-Museo e ten partes gravemente deterioradas e fóra de servizo, que reclamaban unha actuación urxente.