Convenio coa Deputación de Lugo
A Deputación de Lugo asina un convenio de colaboración coa Fundación Rosalía para mellorar a musealización da Casa-Museo no deseño de pezas promocionais desta institución, unha actuación que ten un custo de 3.000 euros.
Un cadro de Serafín Avendaño, agasallo de Amigos dos Museos
A asociación Amigos dos Museos agasallou á Fundación Rosalía cun cadro de Serafín Avendaño, membro dos Precursores e amigo da familia Murguía Castro, como galano do Premio Pedra do Destino 2014 que outorga anualmente.
Máximo Sar dóalle á Fundación o seu arquivo
O padronés Maximino Rodríguez Buján (coñecido como Máximo Sar) vén de doarlle á Fundación Rosalía de Castro, da que el foi padroeiro, o seu arquivo documental sobre a mesma. Entre os papeis destaca a correspondencia e os documentos das distintas xestións levadas a cabo como coordinador por este veterano activista cultural do galeguismo.
Unha escola de carpintaría arranxará o balcón do Museo
O alumnado da especialidade Carpintaría e Moble do IES Losada Diéguez da Estrada arranxará o balcón de madeira da Casa-Museo Rosalía de Castro ao longo deste curso.
Convenio de colaboración coa Universidade de Vigo
Salustiano Mato e Anxo Angueira asinaron este luns o acordo de colaboración polo cal a Fundación e a Universidade de Vigo incrementarán a posta en marcha de proxectos conxuntos. A Universidade achegará 3.000 euros á Fundación e promoveranse prácticas do alumnado nesta institución, así como as visitas á Casa-Museo.
“As tres Rosalías”, un texto de Pepe Barro
Pepe Barro, deseñador e autor do novo proxecto museográfico da Casa-Museo, publica un texto sobre as principais imaxes de Rosalía que leu o 15 de xullo de 2014 na Casa da Matanza.
Small Stations publica ‘Cantares’ en búlgaro
A editorial inglesa Small Stations Press vén de publicar en búlgaro ‘Cantares gallegos’, o poemario de Rosalía de Castro que marca o inicio do Rexurdimento galego. A mesma casa sacou do prelo o ano pasado este mesmo libro en inglés, verquido pola poeta canadiana Erín Moure.
Asaka publica en xaponés ‘Contos da miña terra’
Takekazu Asaka acaba de publicar en xaponés ‘Contos da miña terra’, única tradución desta obra de Rosalía publicada en 1864.
Lista de gañadores do II Concurso Escolar de Poesía
Os gañadores e gañadoras son: Andrés Fernández (Lugo), Laura Espiño (A Estrada) e Paula Antía Rey (Padrón). Os premios serán entregados o venres día 20 de xuño na Casa-Museo de Rosalía en Padrón.
Novo busto de Rosalía na horta da Casa da Matanza
A Fundación Rosalía inaugura un busto da poeta na horta da Casa da Matanza dentro dos actos do Día das Letras. Trátase dunha peza de bronce realizada pola escultora Cuqui Piñeiro. Ademais, o día 17 haberá un acto institucional xunto co Concello de Padrón, que inclúe unha conferencia sobre Díaz Castro a cargo de Lorenzo Baleirón e a actuación musical de Alba María.
II Concurso Escolar de poesía para o alumnado de Secundaria e Bacharelato
A Fundación Rosalía e El Corte Inglés presentaron o II Concurso Escolar de poesía Rosalía de Castro para o alumnado de Secundaria e Bacharelato.
Entran no Padroado Victoria Álvarez, Carmen Blanco, Pilar G. Negro e Méndez Ferrín
A Fundación Rosalía de Castro celebrou esta tarde o plenario do seu Padroado, no que se aprobou a entrada de catro destacados novos membros: Victoria Álvarez Ruíz de Ojeda, Carmen Blanco, Pilar García Negro e Xosé Luís Méndez Ferrín.