150 anos de Rosalía na Coruña

Nestas xornadas nas que lembramos os anos que a familia Castro Murguía viviu na Coruña cando Manuel M. Murguía foi traballar ao Arquivo do Reino de Galicia en 1871. Fano entre 1871 e 1874, na casa número tres da rúa do Príncipe. Alí naceu a única filla coruñesa do matrimonio: Amara (1873-1921).

A esa casa da Cidade Vella e á estancia de Rosalía na Coruña vincúlanse dous poemas importantes dentro da obra rosaliana e que a autora incorpora a Follas novas (1880). Un deles é o asinado expresamente na Coruña en 1971 con este título: “Na tomba do xeneral inglés Sir John Moore, morto na Batalla de Elviña (Coruña) o 16 de xaneiro de 1809”. O outro é “Pra A Habana”, que encabeza o libro de Follas novas que leva por título “As viúdas dos vivos e as viúdas dos mortos”. 

PROGRAMA

Mércores 10 de novembro

12.00 Inauguración da exposición “A Casa de Galicia. Cincuenta anos da Casa de Rosalía”. [Xardíns de Méndez Núñez]

19.00. Conferencia “A vida de Rosalía de Castro na Coruña: un tempo histórico decisivo”, por Pilar García Negro [Circo de Artesáns]

Xoves 11 de novembro

18.00 Concerto de “Rosalía Pequeniña” (Uxía) [Teatro Rosalía]

20.00 Concerto de Najla Shami [Teatro Rosalía]

Venres 12 de novembro

18.00 “A Coruña no tempo de Rosalía e Murguía”, roteiro guiado por  Suso Martínez. [Saída do Xardín de San Carlos e chegada ao Circo de Artesáns. Capacidade limitada a 30 persoas]

20.00. Conferencia “Murguía na Coruña e a fundación da RAG”, por Xosé Luís Axeitos  [Circo de Artesáns]

***Todas as actividades son de entrada libre ata completar capacidade