A Fundación Rosalía de Castro convoca de xeito bianual o Premio de Investigación e Ensaio “Ramón Baltar Feijóo” co obxectivo de contribuír ao fomento do estudo do período histórico relativo ao fondo documental que leva o seu nome e que foi depositado no Arquivo da Casa de Rosalía pola familia Baltar García-Peñuela, que vai desde o Rexurdimento ata a Xeración Nós.
Este galardón pretende tamén honrar os valores de protección e mecenado da familia para con Padrón, coa cultura galega en xeral e para con figuras de tanta relevancia coma Rosalía de Castro, Manuel Murguía ou Alfonso Daniel R. Castelao.
O premio ten carácter bianual e poderán concorrer a el todas aquelas obras de ensaio ou investigación publicadas nos dous anos anteriores á convocatoria, sexan libros ou documentais, sempre que estean en relación con algún aspecto do fondo documental, sexa cronolóxico e que vaia do Rexurdimento á Xeración Nós, ou sexa temático: historia e literatura deste período ou referida a Padrón.
Tal e como definen as bases, as obras poderán ser presentadas a concurso tanto polas editoriais ou produtoras como polos membros do xurado constituído. A entrega do premio, que será honorífico (diploma e insignias da Casa de Rosalía), terá lugar no transcurso dun acto literario a celebrar no auditorio da Fundación Rosalía de Castro.
Bases e datas da edición 2024:
Bases do IV Premio Baltar Feijóo de Ensaio e Investigación.
Gañadores das edicións celebradas:
2022
Irmandiñas, de Aurora Marco Castelao (Laiovento, 2020)
2020
As orixes da fotografía en Galicia, de Carlos Castelao (Alvarellos Editora, 2018, en coedición co Consorcio de Santiago)
2018
Dúas obras ‘ex aequo’:
Cantos de independencia e liberdade (Galaxia, 2017), de María Xesús Lama; e
A nosa Terra é nosa!: A xeira das Irmandades da Fala 1916-1931(Baía Ensaio, 2016), de Emilio Insua.