A Fundación Rosalía e a Radio Galega conmemoran o Día de Rosalía (24 de febreiro) cun programa especial do Diario Cultural na Casa-Museo ás 19h. Ademais, Anxo Angueira e o alcalde de Santiago realizarán unha ofrenda floral a Rosalía na estatua da Alameda. A Fundación tamén promove a acción nas redes sociais #euRosalía, que anima a facer un ‘selfie’ con calquera motivo relacionado con Rosalía.

A Deputación da Coruña cédelle á Casa-Museo o retrato que Brocos lle fixo a Rosalía en vida, ademais de dúas butacas e un sofá que pertenceron á familia Murguía de Castro e cinco cadros de Ovidio Murguía.